Фарфор Медычы – першы паспяховы вопыт вырабу еўрапейцамі фарфору, ажыццёўлены ў канцы XVI стагоддзя ў Фларэнцыі прыкладна паміж 1575 і 1587 гадамі ў майстэрні пад заступніцтвам Франчэска I Медычы. У першую чаргу ён выкарыстоўваўся як дыпламатычны падарунак.
На вырабах з майстэрні Медычы добра бачныя шматлікія заганы вытворчасці – празмерная крохкасць, бурбалкі і расколіны палівы, грубыя ўзоры са спробамі выпраўлення, якія расплываюцца, атрутныя або бляклыя колеры, што ўзніклі пасля абпалу. Верагодней за ўсё, гэта стала прычынай адсутнасці прамысловай вытворчасці.
Колерам і арнаментам фарфор капіяваў у асноўным традыцыйную кітайскую бела-сінюю кераміку.
Усяго было зроблена, верагодна, каля 300 вырабаў, з якіх да нашага часу дайшлі некалькі дзясяткаў.
